فليسبونا ولا يقتلوننا…تشي غيفارا،عقيدة الصدمة ورجب طيب أردغان…

وقت القراءة 6 دقائق

قبل أكثر من أسبوعين ،في مخبزة ،حين تشتري الخبز تتقدم لتخرج من باب الخروج ،هناك شاب ،أراد العودة للخلف قلت له أرجو أن تتقدم لتخرج فأصر على العودة ،قلت له غير معقول ما تفعله ،حين خرجت وجدته ينتظرني في سيارته ،قام بتهديدي فهو يعمل في السلطة ،قلت له ما تفعله مخطئ فالرجل الحقيقي لا يهدد ،ينفذ ،لو كنت مكانك لسحبت مسدسي وأطلقت علي رصاصة ببساطة ثم تذهب وتسلم نفسك لأقرب مركز شرطة فسيقوم شباب الحي بمطاردتك …ثم ذهبت ببساطة ،هي طريقة إستفزازية …

تشي غيفارا،عقيدة الصدمة ورجب طيب أردغان…

كنت نزلت مساهمة حول تشي غيفارا ،مذكرات دراجة نارية ثم حول الرجب طيب أردغان ،أنا يعجبني ما فعله للأتراك ،طبعا مكن لهم في الأرض.

موضوع حول تشي غيفارا:

اليوم نحكو على أدب الرحلات و السير الذاتية لأبرز القادة و اليوميات،أولها كتاب يوميات دراجة نارية لإرنستو تشي غيفارا ،هو في بداية شبابو تشي كان شاب من الطبقة المخملية وحتى ميولاتو السياسية موش واضحة ،لكن الرحلة الي عملها هو وصاحبو ألبرتو غرانادو على موتور سنة 1951 إنطلاقا من بيونس آيرس عبورا ببنما ووسط جبال الأنديز للتشيلي و البيرو وكولومبيا و في الآخر كاراكاس ،زار ماتشو بيتشو عاصمة الآنكا وشاف معانات المواطن الأمريكي اللاتيني من الإمبريالية و الظلم الإجتماعي و زار معسكر الجذام .بعد الرحلة هذي إرنستو إختار طريق الفداء و أنو يناضل ضد الظلم و اللاعدالة ،بالطبيعة بعد كي شد السلطة كان دموي جدا خاصة في أحكامو ضد أعداء الثورة …الفكر الشيوعي بالطبيعة ما بقاش برشا وولا outdated وزيد ديما وين يحاولو يطبقوه على أرض الواقع التطبيق يكون في شكل ديكتاتورية و دموي برشا ،مثلا تشي غيفارا كان قاسي جدا وقت الي شد قاضي و في حرب العصابات تأثر برشا بعبد الكريم الخطابي الي هزم دول أوروبا مجتمعة في الريف المغربي و أسس أسلوب حرب العصابات الي طبقو تشي و صاحبو فيديل كاسترو وبعد الفيتناميين ضد أمريكا …الكتاب سيرة ذاتية شيقة تعطيك لمحة على شباب أيقونة و ملهم الكثير من الشباب الثائر حول العالم .
#أدب_رحلات
#مذكرات

ثم موضوع حول عقيدة الصدمة.

عقيدة الصدمة وصعود رأسمالية الكوارث…
الكتاب هذا كملت كتباتو الكاتبة الكندية ناعومي كلاين سنة 2009 لكن الأحداث الي صارت بعد التاريخ هذاكا هي أحسن تطبيق لتحليلها للاحداث العالمية ،خاصة بعد سقوط الإتحاد السوفياتي و هيمنة مدرسة شيكاغو و طلبة ميلتون فريدمان عراب النيوليبيرالية …في تونس هانا نشوفو في تصرف الحكومات المتتابعة وكل ما ثمة أزمة يستغلو الفرصة باش يطبقوا على الشعب الي يحبو …نحنا كقراء تقرا وتعرف وتسكت ،مثلا هاك الوزراء التكنوقراط الي مسيبين شهاري كبيرة برشا و بالدولار وحياتهم في أوروبا و امريكا و إلا هاك الطفلة الي بعثوها من امريكا باش تشد مديرة شركة الطيران الفالسة ،تقدر تشوف كيفها في كتاب إعترافات قاتل إقتصادي للخبير الإقتصادي جون برينكز ،البروفيل متاعو أنو يحب يعيش لاباس عليه و ما عندوش مبدأ ثابت، عملولو تدريب مناسب و كل مرة يبعثوه لبلاد مع جملة الخبراء و القتلة الإقتصاديين economic hit men …يخدمو مع البنك الدولي و الوكالة الأمريكية للتنمية الدولية USAID …المذكرات ثرية جدا ويفسر بالتفصيل كيفاش ساهم في تخريب عدة دول من خلال القروض الي ترجع فلوسها لأمريكا خاطر يشرطوا أني الشركات الامريكية هي الي يلزم تخدم المشاريع الكبرى الفاشلة …
نرجعو لعقيدة الصدمة ،المبدأ أنك تستغل كل كارثة طبيعية باش تتخلص من العبء الإجتماعي للدولة حتى في أمريكا في 2005 حدث إعصار في نيو أورليانز الناس موتى و هازها الماء و رجال السياسة و المستثمرين يقولو فرصة باش نتخلصو من الأحياء الشعبية و المدارس العمومية وبنو مدارس خاصة بعد ما حطم الإعصار المدارس القديمة التابعة للدولة …الحاصيلو المواطن مجرد رقم عند رجل الإقتصاد و السياسي الي مبنك توا في وتيل الحمامات على البيسين المعبي بالكلور و يسب في جماعة أنا يقظ …
هي الكلها أفكار الصهيوني ميلتون فريدمان أستاذ علوم إقتصادية وعندو جائزة نوبل عام 76 ,أفكارو متطرفة في الإقتصاد ،ويرا بأنو يلزمنا نتخلصوا من العوائق الإجتماعية و الإنسانية و العاطفية قدام الرأسمالية و يلزمنا نتخلصوا من جيش الموظفين العموميين ونسلمو الصحة و التعليم و الإنتاج للرأسماليين الناجحين…هي الرأسمالية المتوحشة او النيوليبيرالية …
بالطبيعة الشعب الي يرفض يلزمك تقمعو بكل الطرق و إلا تجهزوا نفسيا للصدمة باش يقبل التغييرات الي باش تفرضهم عليه …
مثلا تستغل كيما توا في تونس مأساة الكورونا و الفوضى السياسية وتزيد في الاسعار و إلا تنقص في الموظفين العموميين ،بالطبيعة من 2016 تقريب ما شفناش مناضرة و إلا تنقص في عدد المتقاعدين من خلال قصان الضو على ماكينات الأكسيجين ،سويعتين ثلاثة في النهار…
الحاصيلو تطبيقات عقيدة الصدمة متنوعة وطبقوها في التشيلي و الجزاير في العشرية السوداء وتونس منين كل مرة يبتزونا بالإرهاب في العشرة سنين الفايتة وتوا مقيدين على الكورونا …
الكتاب تنجم تكملو بكتاب آخر إسمو رأسمالية الكوارث من سلسلة عالم المعرفة يحكي على نفس المبدأ خاطر تكتب بعد أحداث سبتمبر 2011…
بطبيعتنا في تونس هانا في قلبها ،كيما يقولو عام الجيف تشبع الكلاب ،الركوب توا البلاصة ب 100 و اللي يكروا في مولدات الاكسيجين النهار ب 100 و أصحاب النزل قالك أعمل réservation وتنقل كيما تحب …
مراجع:
عقيدة الصدمة مراجعة قناة أخضر

فيلم عقيدة الصدمة مترجم

تقرير عقيدة الصدمة ميدان

إعترافات القاتل الإقتصادي جون بيركنز ،قناة روسيا اليوم

#stayathome
#read
#know
#donothing

ثم موضوع عن رجب طيب أردغان.

رجب طيب أردغان …قصة زعيم …
الفترة هذي بلادنا تستحق زعيم وطني حقيقي…أما قبل ما نحكو على زعمائنا نشوفو أقرب دولة في الضروف لينا خاصة مع سيطرة العلمانيين المنبتين على دينهم الي ما يفرقوش بين الفصل بين الدين و السلطة و حرية العبادة وممارسة الشعائر بحيث لتوا مازالو في تونس يسإلو وقتاش بديت تصلي و في شركة كيما الخطوط الجوية مضيفة طيران وقت الي لبست الحجاب حبوا يطردها ومنظمات الدفاع عن حقوق المرأة تخزر لللبسة و تدافع على المرأة و الي يحب يتشهر يحتج على الأذان و إلا يركز على مواضيع جدلية كيما حقوق الشواذ و إجتثاث منابع الإسلام الباتيندة الي يخدمو بيها الحداثيين …
الكتاب خرج 2012 يعني قبل الإنقلاب الفاشل على رجب طيب اردغان و وقت المعارضة وقفت معاه و الشعب الكل تقريبا وشفنا بطولة عمر خالص دمير و الصحفية العلمانية الي خلاتو يتكلم مع الشعب …خاطر مشالهم مصالحهم الشخصية وحول بلادو من دولة فقيرة وعملتها في الحضيض و خربة. لوجهة سياحية عالمية و إقتصاد قوي و زاد كرم المرا المحجبة الي ربحت الإنتخابات البرلمانية ورفض الجيش و العلمانيين أنها تدخل البرلمان ،مروى قاوقجي الي حطها سفيرة تركيا في ماليزيا توا و بنتها فاطمة الي عينها مترجمتو الشخصية ….
الكتاب يحكي على سيرتو الذاتية، بداية من حياتو وسط حومتو الشعبية ونشاطو و تطويرو لفكر نجم الدين أربكان ،هو مزيج من العلمانية و الإسلام و القومية التركية ،خاطر توا تركيا دولة توسعية بإمتياز وقاعدة تفك في بلاصتها في برشا بلايص في العالم …كذلك المحن الي تعدى بيها منها فترة السجن بسبب قصيدة ألقاها مرة و زادا فترة رئاستوا لبلدية إسطمبول وكيفاش نهض بيها و حل برشا مشاكل عالقة و تأسيس حزب العدالة و التنمية وبرشا قصص يرويها رفاقو…
الكتاب يعطينا فكرة عن البدايات و النهايات هانا نشوفو فيها توا …
#سير_ذاتية